徐綺雯7年之癢 宣布離婚

名媛徐綺雯（Candy）於2011年和澳門製衣業太子爺的鄺姓男友結婚，婚後並育有一子，惟最近傳出婚變！Candy坦認早前已正式簽字離婚，夫妻關係七年止步，她說：「我哋係和平分手，主要因為性格不合，尤其呢兩年各有各忙，佢做生意，我除咗照顧囝囝之外，都有繼續做Model同埋發展其他生意，始終大家都忙，當然為咗囝囝有好努力去修補，但緣盡始終係緣盡。囝囝撫養權歸我，前夫會定期嚟探佢，我同佢都想令囝囝覺得同以前一樣，只係父母分開咗去錫佢。」
徐綺雯秘密離婚，全副心機放在生意及兒子身上。
徐綺雯秘密離婚，全副心機放在生意及兒子身上。

一次失敗唔會灰心

Candy直言單身後不考慮重投律師生涯，反而早前斥資過千萬元和朋友合作搞珠寶批發生意，並和意大利及巴黎等廠商合作，早前遠赴意大利洽談合作時，路經當地的浪漫小城維羅納（Verona），啟發設計珠寶的念頭並推出Verona系列。由於莎士比亞名作《羅密歐與茱麗葉》的背景正是維羅納，刻骨銘心的愛情正是設計意念：「愛情係麵包亦都係甜品，無論關係長或短，總有刻骨銘心嘅點滴。我付出10年時間同青春雖然最後離婚，但點都要向前看，代表人生新一頁，唔會一次失敗就灰心，愛情要隨遇而安，總之寧缺勿濫，最緊要對我同個仔好。」

徐綺雯與丈夫緣盡分手，兒子的撫養權歸她。
  • 徐綺雯與丈夫緣盡分手，兒子的撫養權歸她。