囡囡擺性感相上網馬詩慧：唔猥瑣就OK
名模馬詩慧（Janet）和龐景峰等前晚出席電影首映禮，提到二女王麗嘉早前透露在父母支持下簽約成為內衣品牌代言人，問到可擔心性感尺度？Janet說：「其實唔使我篩選，品牌嗰邊都有自己準則，太性感佢哋都出唔到街。（對佢哋好放心？）咁每次佢影相我都會跟住嘅。」
至於接拍內衣廣告，她稱女兒一向想走這路線，她和老公都好支持。若然要和男模特兒一齊拍可會接受？她說：「我以前都拍過呢啲廣告，都有同男Model拍過，一個專業Model唔會覺得有問題，又唔係叫你做乜，就如演員拍戲，要你拍親熱戲、床上戲唔通唔拍咩？呢個係專業操守問題。」不介意兩女都性感示人？她笑言：「我大女（王曼喜）都唔係好性感啫。（兩個女都鍾意擺相上ig？）好多人都Post啦，佢哋嗰啲濕濕碎，總之我嘅尺度係要靚，唔猥瑣就OK嘞。」