陳嘉容縫紉DIY改造舊衫變潮物

Eunis直言流蘇裝飾約50蚊人民幣，簡簡單單就可將舊衫翻新。

Eunis坦言因任模特兒的關係，不時忍不住手買靚衫，近年學習斷捨離的她開始戒買：「我會將舊衫改新衫，例如以前好興大Shoulder Pad嘅西裝褸，依家又興入膊款，我就會搵師傅幫我改，咁就唔會浪費，又慳又有新衫着。」

流蘇閃扣易裝拆

如果想再慳啲，可以加點創意動手DIY，Eunis早前就把西裝褸大改造：「我喺膊頭位加入軍人元素嘅流蘇裝飾，同埋換啲閃閃嘅鈕扣，着厭咗又可以拆番，改用其他裝飾。」去年創立自家服裝品牌的她，不時到廣州工廠視察並順道買配飾：「肩膊裝飾大約50蚊人仔，啲鈕我喺中環石板街買，夾埋都唔使100蚊，花十幾分鐘縫上去就完成，好簡單。」

放大圖片	不論首飾或衣物，只要花點心思就能化腐朽為神奇。