郭富城預防呷醋送禮氹囡囡

郭富城（城城）昨日以品牌優雅形象大使身份現身「浪琴表香港馬術大師賽」，同場還有傅嘉莉及應屆港姐三甲陳曉華、鄧卓殷和丁子田。貴為馬主的城城表示有讓女兒接觸愛駒，將來也會讓對方學習騎術，不過他將展開為期兩年的世界巡迴演唱會，策騎及賽車等太激烈的運動要盡量避免。

抽時間陪妻分娩

太太方媛身懷六甲，問城城會否預留時間陪伴分娩？他坦言：「到時會騰空一啲時間。（所以12月喺香港做巡迴？）未定實，香港站有機會係出年。（依家太太係咪有咗五、六個月？ ）都快0架喇！（心情興奮？）呢一刻好享受、好興奮，身邊好多朋友都教我另一個小朋友出世，就要送份禮物畀大姐姐，令佢唔好呷醋，我都係學習中。」

陳曉華減磅迎戰華姐競選。

鄧卓殷（左起）、陳曉華、丁子田和傅嘉莉各有美態。

談到憑電影《無雙》提名金像獎最佳男主角，他坦言要多謝太太：「當時BB仲未出世，我拍嘅時候得到太太好多支持，令我唔使擔心佢懷第一胎嘅心情，可以投入工作。好開心可以入圍，係對我演出嘅表揚。（有冇信心贏有份提名嘅周潤發？）作為一個演員信心一定要有，但唔可以爆棚，平常心。」

傅嘉莉策騎學跨欄

至於早前被本報拍到與太太出街時，Man爆護實險跌的太太，城城笑言：「佢依家有BB，我當然要拖實啲，係丈夫嘅責任。（好Sweet？）我本身嘅性格，如果喺香港有時間就要照顧身邊重要嘅人。」

同場的傅嘉莉透露學了策騎三年多：「夢想係可以做到跨欄動作同參加比賽，依家只係識跑。之前拍劇期間試過學策騎，點知跌親整損咗塊面，唔想因為興趣而影響拍劇，所以停咗一段時間冇學。」