青雲為臥底家輝犯案

英皇電影《廉政風雲 煙幕》至昨晚10時票房累計達2,798萬，戲中不乏驚險場面，有爆炸、雪山射殺、撞車，令觀眾睇得肉緊，不過對於片中的關鍵證人張家輝，存有很多疑問，皆因一開始家輝在酒店偷走飛澳洲一刻，已把他所知道的犯罪證據存入USB，並交給任職廉署的劉青雲，惟青雲安排家輝的臥底職務，原來廉署一點也不知情，青雲更不斷犯戒查案，究竟家輝的臥底身份會否被承認？

張家輝唔會係臥底

導演麥兆輝直言家輝臥底身份絕對不成立，他說：「正式臥底會有相關文件記錄，於法律上會被接受！」而青雲於案件審訊期間，私下接觸兩位重要證人，麥兆輝表示現實中絕對不可以：「撞到就冇辦法，法律同調查係有一條界線。戲入面有場戲我好深刻，方中信喺戲入面對青雲講，佢為查案不惜一切，呢樣已經係貪念。」

扮演神經質角色的何遠東，笑言其實是暗戀林嘉欣。	導演麥兆輝（右）拆解片中疑團時，直指張家輝不會是臥底。	張家輝、陳家樂及方中信大鬥演技。

至於另一位廉署職員何遠東，為找重要人物時，眼都唔眨來回翻看閉路電視，表現有點神經質，其角色定位又是否有病？麥兆輝哈哈大笑說：「呢個世界會有人係咁，有啲人睇唔明。其實當年大學收咗兩位學生，一個係青雲，另一個就係何遠東，後來一齊喺廉署工作，何遠東係個相信數據嘅人，好叻、記性好好，所有嘢都係佢拎數據出嚟，我相信係有呢啲人，將佢放入角色會好有趣！」

陳家樂

方中信

驚被指浮誇搶戲

何遠東談到角色很神經質，兼對青雲非常抗拒，他說：「我自己都覺得冇理由咁驚青雲，所以睇到劇本就同麥導講笑，話我應該係暗戀佢太太林嘉欣先會咁，不過最終冇好深入咁去研究大家嘅關係喇！講到神經質，起初都擔心畀人話搶戲同太誇張，不過我諗喺廉署咁高壓嘅環境之下，呢種神經質嘅人係會出現嘅。」