張寶兒追蹤袁偉豪Run情四射
藝人袁偉豪昨日參加馬拉松比賽時，女友張寶兒全程「追蹤」，希望明年一齊落場跑。而胡諾言衝線時，獲老婆陳琪於終點送「肉嘴」。至於「體壇情侶」歐鎧淳及胡子彤則拍住拖跑步，成雙成對公然放閃。
圈中不少藝人愛長跑，袁偉豪（Ben）、胡諾言（胡仔）昨日分別在女友張寶兒（Bowie）及老婆陳琪打氣下，出戰半馬及全馬賽事，而游泳好手歐鎧淳與棒球員胡子彤則拍拖上陣參加10公里賽事。
獲女友做「車手」送到會場的Ben，以2小時4分20秒完成賽事。他透露最後一刻才決定報名：「參賽之前練咗成個月，有足夠休息，加上身邊嘅跑手感染到我跑步嘅節奏，成績比預期好。」問到有否想過挑戰全馬？他指需要循序漸進。Bowie則笑言全程「追蹤」男友：「我睇住你跑o架！」並稱明年可以情侶跑，Ben即說：「可以陪佢試吓10K，依家最想去茶餐廳食個早餐獎勵自己。」
陳琪唔想老公再參賽
胡仔以3小時45分04秒佳績衝線，獲老婆陳琪掛上獎牌。他坦言比賽時風大雨大，加上腳部發炎，所以比較辛苦：「跑完2019年第一『靚跑』，緊接有兩個工作，今日好充實有意義，好似跑數咁。」提到他左膝受傷，他說：「唔小心仆倒，手都有擦損少少。」陳琪非常擔心，不想老公再參賽：「盡量唔好啦，做運動唔需要畀壓力自己。」胡仔即求饒說：「依家做到興趣之餘，我又搵到食，畀我玩啦！」沒好氣的她只好答應。
歐鎧淳險勝男友
至於歐鎧淳以1秒之差險勝男友胡子彤，男方否認跑步時掛住談情：「佢跑得快，我要追住佢。」歐鎧淳則稱今次純粹玩票性質：「雖然我每日游水，心肺訓練OK，但依家知道跑步會腳攰同痛。」又指會減少娛樂工作，為明年的世界賽專心練水：「呢個可能係我最後一個大賽，要搵多啲唔同原因去努力。」