陳漢娜冇工開陷抑鬱

影壇新貴陳漢娜（Hanna）入行不久便獲提名香港電影金像獎「最佳新演員」，星途看似發展暢順，但其實經歷過高低潮。由模特兒轉型為演員的她，直言收入比以前低，大部分時間在等待，更試過零工作，搞到一度患上抑鬱：「我哋嘅工作好被動，等試鏡邀請，去完仲要等結果，當中有好多次失敗！落選嗰刻會好氣餒，但唔係覺得自己唔得，因為係『被動』，唔知可以做到啲咩！」不過，Hanna從沒後悔踏上演員之路，更發表新世代金句：「做咗嘅後悔，好過唔做嘅後悔。」還實行做個「佛系演員」：「我相信吸引力法則，工作方面唔會強求，係咩人就吸引咩工作。」