棄做律師而加入娛樂圈的林作，昨日到九龍灣錄影ViuTV節目《GOODNIGHT SHOW發洩擂台》，右腳包紮傷口並撐住拐杖，他表示兩日前做割雞眼手術：「係我第一次做手術，粒雞眼都幾大粒，有幾粒米Size！醫生冇叫我唔好郁，結果我照揸車踩油，第一日傷口就爆線，成腳紅晒！（有冇囡囡氹番？）冇呀！」
講到舊愛麥明詩早前受腳傷，會否覺得同病相憐？他在多番追問下才說：「點好意思講其他女仔嘅嘢，今年我要建立專一情深嘅形象，答任何女仔嘅都會畀人鬧。」
