加拿大天王Justin Bieber與索模Hailey Baldwin閃婚後低調多時，近日首度夫妻檔登上《Vogue》雜誌封面，受訪時剖白由拖友變老襯的歷程，他更驚爆曾因抗性癮而禁慾一年多！
相識多年的Justin與Hailey去年中翻撻成功，拍拖3個月即閃婚，消息震撼全城！二人近日攬住留影拍Sweet封面，男方受訪大方講到近年戒掉毒癮後，自覺要解決性癮問題，更自爆與Hailey復合前，已因為對抗性癮而禁慾長達一年多！Justin表示感覺與上帝更加親近，靈命得以改善，更相信因為有好的行為（禁慾），最後上帝將Hailey獎賞給他。
Justin去年與離合多次的Selena Gomez分手後重遇Hailey，自言當時秒速醒覺對方是「對的人」：「當我去年6月見番佢，我先發現唔記得原來自己咁愛佢同咁掛住佢，唔記得佢為我人生帶來幾多正面影響！」更自爆二人等到9月結婚才發生性關係，又間接透露「性急」是他們其中一個閃婚的原因，相當坦白！
另一方面，歷年來負面新聞多多的Justin，講到吸毒期間曾經情況很差：「我諗有幾次我嘅保鏢半夜走入房檢查我脈搏，睇吓我仲有冇呼吸。」幸而最後離開毒海。而他不但自揭瘡疤，兩公婆亦首度談及新婚生活，Hailey明言婚姻困難，首周不停祈禱，亦時有鬧交，不過就認為互相講出心中所想是好事，Justin更自言情緒不穩，反而老婆理性又有邏輯，不忘讚老婆。
此外，近日有網友爆料指影星Zac Efron於社交網Instagram「Follow」同屬單身的Selena，即時截圖並於網上瘋傳，更有人火速製作二人合作拍戲的惡搞圖，支持他們擦出愛火。