陳家樂吼住續集博升呢鬥戲

藝人陳家樂前晚現身戲院，請十幾位朋友睇戲支持他有份演出的《廉政風雲 煙幕》，因為太爆而未能成功包場，他說：「太Full喇，已經坐到最前嗰兩、三行，希望佢哋唔好介意，佢哋都話想嚟支持我。（再包場請睇戲？）下一轉諗住請屋企人同親戚睇，包場可能要過咗年先，因為好多人鍾意套戲。」
新戲收得，陳家樂直豎拇指讚好。
新戲收得，陳家樂直豎拇指讚好。

電影票房已過千四萬，他開心地說：「老闆好似話會有慶功宴，我第一次參與賀歲片，諗住拍吓喜劇，點知原來係咁正能量嘅戲，希望下年開續集，到時畀多啲機會我。（下次想同邊個前輩多啲對手戲？）今次同劉青雲多啲，如果繼續拍都係想同佢多啲，因為做佢嘅下屬，睇吓會唔會升職啦，可以平起平坐喺角色上鬥戲。」講到林嘉欣都是「廉署」的人，他說二人在另一套戲已合作過，並大讚她是肯分享及畀意見的前輩。

陳家樂前晚請成班好朋友睇戲捧自己場。
  • 陳家樂前晚請成班好朋友睇戲捧自己場。