青雲家輝千萬CG成功回春

劉青雲、張家輝回到20歲讀大學時期，CG特技一流。

該場「回春」戲講述青雲與家輝在大學內暢談彼此的抱負，麥導為這段「青葱歲月」增添神來之筆，可謂花盡心思，他說：「好多戲寫回憶片段，會盡量搵同主角相似嘅年輕人去演，假設有500個人試鏡，最終或者會選到三個人，問題係呢三個人可能唔係好識演戲，於是我諗起之前合作過嘅伊諾（《廉》片視覺特效總監）。我哋曾經同荷里活特效公司接洽，不過講緊嘅兩分鐘片段已經要1,500萬，係天文數字，雖然香港冇人咁做過，但我相信香港嘅技術都可以做得到，我寧願將呢筆錢投放喺香港特效研究之上。」

物有所值

麥導「放手一搏」換來驚喜，耗資千萬的CG「回春片段」效果理想，他說：「我同伊諾花咗三個月時間，搵出最理想嘅青雲同家輝20歲面容定位，再交畀唔同組別嘅專業人士去處理模型、肌肉，以及調校現場嘅燈光變化，過程中我哋又花咗三、四個月，即係話差唔多搞咗半年，不過一切物有所值。」

回春版青雲及家輝，由定位到模型，搞足半年！	張家輝	放大圖片

更加靚仔

眼見自己「成功回春」，青雲笑言：「起初導演同我講要演校園戲，我就答：『嗱，演就冇問題，但個樣呢，哈哈哈……』導演即刻安撫我，話會嘗試用特效。我睇過『製成品』後，覺得比年輕時嘅我更靚仔喎！」家輝則坦言：「麥導話唔想就咁搵兩個年輕人去扮我哋嘅後生版，我覺得呢個係好大膽嘅想法，特技費用相當昂貴。」另外，昨日《廉》片單日票房錄得272萬，累計票房14,532,717，成績斐然。