田蕊妮自我厭惡 40歲開竅
視后田蕊妮早前踩過界主持無綫真人騷《女人四十》，引來觀眾極大回響，她更憑此奪得「最佳節目主持」獎項。日前她接受東網巨星節目《娛場》訪問，坦言曾十分討厭自己，但當踏入40歲便開竅愛上自己，她說：「當時喺電台做主持，發覺自己好多嘢都唔識，又唔知點處理，講嘢又冇人笑，搞到每朝起身都好大壓力！但依家我諗通咗，唔理你鍾唔鍾意我，因為我鍾意我自己！」
老公童年陰影拒生B
講到女人四十大關是否必定要生B，阿田直言並非很想為人母，還大爆童年陰影令老公杜汶澤對生孩子卻步：「我決定咗唔雪卵，原來我唔係咁想做一個媽咪！佢（杜汶澤）都唔認為自己會係一個好爸爸，因為成長關係，佢對爸爸嘅印象係打人，腦海入面爸爸嘅形象就係咁差，所以佢有少少恐懼。」
提到其新專輯中歌曲《兩口子》講述婚姻關係的相處之道，她自認性格「難頂」，感謝老公生活中處處遷就，並說：「佢令到我人生好精彩，如果當日冇嫁畀佢，我一定唔係今日嘅田蕊妮。」
https://bit.ly/2TiBOcw