練溜冰谷戲莊端兒腳起泡
「波波姐」莊端兒昨日素顏現身電台宣傳賀歲片《如珠如寶》，她興奮表示今晚舉行首映前會有個溜冰儀式，日前特意抽空練習，豈料雙腳被溜冰鞋磨損：「係自己冇着到厚襪、對溜冰鞋又新，就係咁(界)到對腳，起晒泡都幾痛！」
提到今年賀歲檔競爭激烈，她自言寧願有競爭，令電影界百花齊放，又預告新年初一到初三都會到戲院謝票：「赤口都見到我！（帶挈多啲Job？）都接咗啲內地網劇，仲有部電影會去日本參展，聽阿驄（林敏驄）講佢開戲會搵我拍，問番佢先！」事業得意的她卻選擇放棄愛情：「唔識（男仔）住，做嘢好玩過識男友！」