張沛樂專吼「He界」男神
藝人張沛樂（沙律）和羅伊婷昨日拍攝ViuTV節目，分享讀書年代的拍拖故事，兩女以體育堂的運動衫褲造型亮相，沙律坦言中學時代拍過三次拖，但回想起感覺都不似拍拖，因當年性格驚青，在網上聊天會暢所欲言，但在學校見面就變得害羞，一見面就避到去廁所。問到三段情是否同班同學？她謂：「都有朋友啲兄弟姊妹。（姊妹？）唔係，講錯。我冇咩吸引到女仔。」
羅伊婷誘女埋身
至於羅伊婷稱讀書時有女同學向她表白：「我都想知自己有咩特質會有女仔鍾意我。」沙律笑她是否想有女仔鍾意？伊婷說：「嗰時得十幾歲，都唔知自己鍾意乜？」沙律堅定說：「點會呀？我就一定係鍾意男仔，不過，好多時就鍾意咗啲HeHe男神都唔知，以前睇台劇鍾意個男主角，但聽番朋友講話佢係HeHe，但唔知真定假。」即被記者取笑她的男友林耀聲確是「He界」眼中的「男神」。
