有英國「壞孩子」之稱的著名男歌手Robbie Williams向來出名「噏得就噏」，少年時代曾染毒癮並成功戒甩的他，日前居然於社交網開Live鼓勵年輕Fans吸毒，即被網民圍剿批評他腦殘！
現年44歲的Robbie日前於Instagram（Ig）邊坐車邊開Live與兩名年輕男Fans講吸毒。片段中Robbie被問仍有否吸食可卡因，他回答：「好耐冇食，我44歲喇！當你去到咁嘅年紀，個心臟唔可以負荷呢啲嘢，況且我已有子女。」但當他得知其中一名Fans年僅20歲時，竟說：「那繼續（吸毒）啦！過吓開心嘅時光，然後寫低佢等你第日可以寫入回憶錄。」
除了「亂噏」鼓勵年輕Fans吸毒外，曾有酗酒問題的Robbie更大談飲酒喜好，他說：「冧酒好正！威士忌就好X怪。」又聲言用酒溝搖頭丸效果正，雖然叫Fans千祈唔好試，但狂妄言論已令人心寒，更即被大批網民留言抨擊！
有網民諷刺他，大罵他是蠢材：「佢咁教壞後生仔，會唔會都係咁教自己個女？佢簡直就係冇腦！」另有網民留言：「佢竟然係人哋個家長？真係好恐怖！」更有網民指他這樣講無非博見報！
據知Robbie早在14歲時染上毒癮，而在男子組合Take That期間，他開始吸食可卡因。直至1997年，Robbie在歌手好友艾頓莊（Elton John）協助下入戒毒所，成功搣甩多年毒癮！Robbie的前經理人2013年曾爆料指他當年差點因吸食可卡因而摧毀事業，其中有三次險些喪命。