被認錯鹹濕曹查理？吳業坤演戲一舊雲實戰摸索
吳業坤在新劇中有突破演出，拋掉眼鏡，着住孖煙囪，以「飛釘」麻甩Look示人。而他前晚在社交網透露，在東京街頭被日本妹認錯，望了足足五分鐘，有網民笑言認錯他是曹查理！
歌手吳業坤的四眼Look一直是其Icon，不過他在無綫新劇《荷里活有個大老千》中，就除下眼鏡，還着住孖煙囪、「飛釘」背心麻甩示人，他笑說：「仲要梳埋All Back頭，自己睇見冇戴眼鏡都唔係好慣，好似離開咗Comfort Zone咁，周身唔聚財。」
除了形象突破，他在戲路上亦有新衝擊，今次扮演「墨基」是奸角，滿有發揮機會，他說：「之前嘅角色都近似自己，今次就係第二個人，細個以為做戲好簡單，但做過先知，亦有試過唔知自己做咩，因為冇讀過訓練班，多年嚟都係靠實戰摸索。」
想同田蕊妮玩姊弟戀
過往拍過不少劇，但少有感情戲，今次亦是曇花一現，他自嘲：「可能我唔夠吸引，說服唔到人，大家一見我個樣就覺得搞笑，唔適合談情說愛。」又指若有機會拍談情戲，希望與「女神」田蕊妮演「姊弟戀」：「阿田外表、演技都好好，自己鍾意喺精神層面上成熟過我嘅女仔。」
此外，吳業坤前晚在社交網指於東京涉谷街頭戴住口罩，卻被日本妹認錯是第二個人，當時他雙手疊住放於下身，一臉驚訝，相當尷尬，最好笑是網友留言，問是否錯認他是「曹查理」、「係咪XX男優」等！最搞笑是他竟然不知曹查理是誰，記者找當年曾演不少鹹濕角色的曹查理劇照給他看，他笑說：「咁大件事？我係咪變咗個鹹濕佬？」
