張達明落妝慢例牌OT
藝人張達明前晚出席電影《家和萬事驚》私人放映會，指電影是自己多年前寫的舞台劇劇本，飾演爺爺的他被問化老妝需時多久？他說：「兩個鐘，每次拍完戲最辛苦嘅係大家即刻走得，但我係最後，因為落妝要好耐，但好開心演到咁難演嘅角色，同埋將故事拍成電影。」
同場有已故百億「海產大王」蔡繼有的孫女蔡頌思，身為第二女主角的她，飾演袁詠儀及吳鎮宇的女兒，她坦言跟前輩合作超級有壓力：「佢哋所有嘢都好快、好準確，佢哋都好包容，教咗好多嘢。」
此外，有份參演的藝人羅家英昨到電台受訪，講到達明因片長刪掉其戲份，他打趣說：「所以我咪唔去（首映）囉！如果角色唔重要咪Cut咗佢，有咩好介意，錢又收咗！」