陳山聰打到飛起與姚子羚續前緣
藝人陳山聰、姚子羚及唐詩詠等剛開拍無綫新劇《唐人街》，此劇以六十年代為背景，稍後更會到泰國拍外景，台前幕後均為《城寨英雄》及《同盟》班底，眾兄弟姊妹如陳展鵬、伍允龍及王君馨等齊齊跟郭師傅練功，未正式開鏡已打到飛起！
詠春泰拳周身傷
山聰與子羚再演情侶，二人前日於社交網晒合照，山聰留言謂：「今次雙K回到60年代的泰國，能否開花結果仲係未知之數，但肯定擦出更大嘅火花，連棘（山聰飾）、金福妹（子羚飾）一切準備就緒。」山聰受訪時，指劇中主要打詠春及泰拳，難怪早前跟盧惠光學拳。而忙練功的子羚都打到瘀晒，她說：「今次我會用兵器，所以同之前《同盟》好大分別，我係峨嵋派，用嘅兵器係峨嵋刺。」
唐詩詠開齋練功
至於首次拍打戲的詩詠，指今次主要打八卦掌，她說：「我哋練功時，郭師傅都就住我，但係好辛苦，因為自己從未試過打戲，要從頭學起，不過辛苦得嚟幾有趣，練功時發現自己隻腳唔夠力，好多位要留意。」問到可有受傷？她說：「撞到在所難免，之前有做Gym就好啲，但打起嚟都唔夠力，仲要努力練習。」至於君馨笑言近日操練八極拳，練到攰死。
