被批戀情見光死陳煒玩地下情

藝人陳煒、劉穎鏇與堪輿學家麥玲玲，昨日紅噹噹現身信德中心《金豬喜氣賀新歲》，並大玩撈起。司儀Kawaii與關伊彤着玲玲「贈兩句」，陳煒被批豬年會買樓及多作新嘗試，但姻緣要密冚，否則會見光死。陳煒早已透露有置業打算：「下半年先，儲多啲彈藥，唔係買棵菜嘛！目標買1,000呎單位，上次睇中個單位都想入票，鍾意地點靚夠實用。（師傅批你試新嘢？）想試新角色，癲啲、剃光頭都制，希望有個爆點。（光頭少咗追求者？）影響桃花呀？咁要考慮吓！（桃花緊要啲？）姻緣、事業兩樣都要，新年願望係所有願望成真，魚與熊掌兩得！」