岑麗香作病BB起勢踢報平安
近日流感肆虐，懷孕6個月的岑麗香亦作病，令老公強強非常擔心。她笑言腹中BB經常大力踢，令她安心，更大讚BB強過媽媽！
藝人岑麗香、陳家樂與荷里活廣場助理董事兼總經理梁淑敏，昨日在鑽石山荷里活廣場為《柳井金魚春日祭》揭幕，佗着6個月豬B的香香以紅色Tube Dress亮相，穿上5吋厚底高踭鞋健步如飛，她笑說：「練過好多次，粗踭安全OK嘅。」又透露老公強強身在加拿大工作，會趕返港過年。
香香表示身體狀況不錯，只是近日有少許作病，已看醫生，要小心吃藥：「強強當然擔心，但OK嘅，BB成日好強咁踢，所以知道冇事，反而佢強過我好多，真係一個『強強BB』，哈哈！」席上她為公仔換片、着衫有板有眼，她說：「做咗好多Research，上網睇片、睇書、儲知識。強強好叻仔，Book咗育嬰班同我一齊上堂，呢段時間佢好落力幫我，依家好易攰，好多嘢都要靠佢。」
陳家樂箍牙當減肥
至於陳家樂有個迷信廿四孝老竇，為他買定「紅底」過年，他笑說：「年初一要着紅底褲同唔可以洗頭，日日着唔掂，條紅邊好易現形。」又透露箍了牙4天，自嘲黐脷筋：「純粹貪靚，箍牙食嘢唔方便，當減肥！」