張彥博進軍美加拍電影
藝人張彥博昨日到電台宣傳新碟，見他揉住右邊腰，自爆前一晚拍攝時扭親：「因為要Hold住扭條腰個幾鐘，加埋天氣凍，又休息唔夠，今朝條腰腫晒。（會睇醫生？）阿爸教落自己按摩，所以我自己醫自己。」他亦謂今年希望唱多些歌，在樂壇做出成績，問到可會減少拍劇？現為邵氏旗下的他，表示要等公司安排，透露3月會到美加兩星期拍攝福音電影，飾演江美儀及黃智賢的兒子，問到是否進軍美加市場？他笑言：「唔好咁講，都係為宗教做嘢，係嗰邊邀請我哋，同埋都係向前輩學嘢。（要講英文？）唔使，如果要講英文就要配音。」
