梁朝偉陪媽咪歎法國菜

影帝梁朝偉（偉仔）近年講到明要減產陪伴家人，日前晚上偉仔便做孝順仔，陪伴母親及妹妹，齊齊前往跑馬地一間法國餐廳，為長輩好友慶祝生日。
梁朝偉做孝順仔，約媽咪為長輩慶生。
梁朝偉做孝順仔，約媽咪為長輩慶生。

當晚大約7時許，一身運動裝上陣的偉仔，與悉心打扮的梁母到場，問到買了甚麼禮物給壽星時，一向低調的他僅笑笑口，未有回答便匆匆步入餐廳。一行人逗留至晚上10時許才盡興離開，偉仔更輕輕搭着媽咪的膊頭步出，母子倆隨後邊行邊傾，步往泊於附近的車便離開。

偉仔護送媽咪上車，雙雙離去。
  • 偉仔護送媽咪上車，雙雙離去。