黃美棋慳家睇戲睇早場

藝人黃美棋、邵珮詩、余思霆、翟威廉、周志康等昨日出席明珠台「第91屆奧斯卡」提名日記者會，美棋表示和歌手男友鍾健威拍拖都是食飯、睇戲，有時一星期會睇幾套。問到是否睇埋早場？她說：「有呀，試過校定鬧鐘睇早場。（慳家喎？）慳得就慳嘛！」美棋坦言愛睇超級英雄片多過言情片，但陪男友都有去睇：「覺得睇戲睇到喊好怪，佢試過捉我睇《Before Sunrise》（《情留半天》）三部曲，當我睇到喊時，佢就笑我。（佢冇喊咩？）佢只係眼濕濕。」