袁詠儀再迷倒老公：佢癡望我

袁詠儀瘦身成功後被讚靚，她樂於Keep住瘦。

唔會有第二春

消瘦不少的靚靚，透露去年接了新劇需要先瘦後肥，故積極減磅，但新劇因為某些政策問題一直未開拍，她說：「我唔敢肥番，不過大家見我瘦咗都話幾好。」更指花了近兩個月時間，靠運動及食營養餐減了15至20磅，但之後又要再增肥：「我以前都係幸福肥，唔係真係好肥，又冇人嫌我肥，一直冇動力減，依家我瘦咗，老公（張智霖）好大壓力！（怕你有第二春？）好少會發生喺我身上。（老公有冇讚你？）佢話瘦咗影相好睇啲，雖然冇乜點講，但從佢癡望我嘅眼神睇得出。」

剪晒古仔開拖戲

鎮宇表示達明化老妝飾演父親一角，笑言影壇又多一名甘草，還睇好對方奪得最佳男配角。達明則說戲中有幕羅家英與古天樂大打出手的戲全被剪掉：「電影就係咁，以前張智霖拍王家衛導演嗰套電影，最後都係剪晒，我哋唔好講，佢老婆（靚靚）會嬲。」

老婆咁索，梗要望多兩眼啦！（設計對白） 靚靚笑言變瘦之後，老公張智霖好大壓力。

黃子華出席首映禮，力撐張達明及吳鎮宇。