拉姑留港度歲見孫仔

狄波拉（拉姑）現身中環出席餐廳開張活動，透露新年會留港派利是：「我好鍾意拜年嘅感覺，好少出國旅行，會留港同朋友食飯團年。」並指不時會與孫仔見面，近日兒子謝霆鋒更親自為她下廚：「試咗好多新嘢，最記得有個中西合璧嘅焗芝士火腿蟹粉三文治，真係諗起都流口水。」提到張栢芝早前誕下第三胎，拉姑坦言冇聯絡對方：「透過你哋去恭喜佢啦。」