恨發新年財佘詩曼一味靠「閃」

藝人佘詩曼、菊梓喬（Hana）及堪輿學家李丞責，昨日到跑馬地馬場出席記者會。李丞責指新一年穿金、銀、白較旺，碰巧穿銀色Bling Bling鞋的阿佘希望夠旺氣贏3T：「希望發少少新年財啦！未試過年初三『赤口』咁多人約我，佢哋知我今年會入馬場，個個都問我攞Tips。（有冇諗過做馬主？）都有嘅，但唔係咁易，又要抽，而且我追求完美，要搵一匹真係好鍾意嘅，身形要好流線型。（擇偶都要完美？）我諗係喇！身形唔一定嘅，但喺我心目中要完美，內外都要。（搵師傅贈兩句催旺姻緣？）順其自然啦！（擺桃花陣？）努力啲靠自己啦！我相信努力會成功，無論係事業抑或各方面。」講到康華舉行新碟發布會時感激她出錢出力及構思造型，阿佘表示只是小小心意，問到會否合唱？她笑說：「邊度夠佢唱！佢Rap喎！」