陳奕迅前日到馬來西亞出席專輯紀錄片的放映會及分享會，他指專輯花了8年時間完成，構思初期曾被人潑冷水：「我抱住唔信做唔到嘅信念堅持完成。」來到最後一站宣傳，他坦言需要休息：「休息唔係指唔做嘢，係要畀啲時間自己沉澱吓，畢竟年紀愈來愈大，螺絲會鬆會生銹，如果我準備下一個巡迴演唱會，都要再練得好啲。」問到這些年有何改變？他搞笑說：「腰粗咗啲，以前瘦啲弗啲，哈哈。」
