湯鎮業食慣歎慣唔同苗僑偉爭
導演王晶的愛駒前日出賽勝出，帶挈他拉頭馬，又中三T，昨日他偕女兒王子涵宣傳新劇時一臉風騷，子涵更爆是日三餐由父親全包。而湯鎮業則笑言為飽口福，暫無意回流香港拍劇，並說：「留畀苗僑偉啦！」
藝人張慧儀、吳業坤、金燕玲、秦沛、湯鎮業、王子涵及劉溫馨等昨日出席無綫新劇《荷里活有個大老千》宣傳，以監製身份亮相的王晶前日贏賽馬，即獲同場演員連聲恭喜，逗得他笑不攏嘴。期間演員大玩揭啤牌遊戲，最後由陳雅思抽得金豬擺設。
子涵對於父親王晶贏錢，笑指是日由對方「包伙食」請食「好西」，問王晶會否派錢與眾同樂？他即笑說：「點解派？分好少錢！總數200幾萬有兩票中，我哋係其中一票，5個人分100萬，每人20萬左右，不過都開心，又有劇播，有得贏好過冇。」
拍港劇要Keep Fit
至於近年較少拍香港作品的湯鎮業，指農曆新年後便返內地開工：「港人未必鍾意我，內地觀眾鍾意我多啲，不過咁啱最近邵氏網劇《守護神之保險調查》都有參與。（趁機回歸香港？）唔好啦！留畀苗僑偉，喺香港要拍好多套先儲到觀眾，我冇呢個時間，依家生活簡單，唔使好多錢，香港拍劇要Keep Fit同體力好，我鍾意食，睇阿苗要Keep幾慘。」
而劇中演跳舞老師的張慧儀，笑指今次戲服毋須性感：「都幾十歲人，留番畀啲後生啦！」又指劇中同時被兩男喜歡，令她相當滿足，寄望桃花運能延至現實生活。