袁偉豪狂賺外快
藝人袁偉豪、胡諾言及胡蓓蔚昨日出席慈善跑活動，已第二年參加的袁偉豪，率領殘疾人士跑三公里，他透露現時半放假狀態，會多接工作賺外快：「6月再開工，其實都感恩，由《鐵探》到依家，好多嘢都係自己選擇，幾享受過程。（去旅行？）會再去！睇吓趕唔趕得切帶媽咪去睇櫻花。」
而胡諾言則表示正激發太太陳琪對運動的興趣：「呢排天氣忽冷忽熱，佢都乾咳，希望佢接觸多啲運動，望有朝一日一齊喺跑道上做慈善。（一家五口一齊跑？）細仔仲細，遲啲先帶佢跑，大女尋日跑完都有啲擦損，小朋友取勝心強，我都有教佢哋輸贏唔緊要，最重要係投入。」