陳豪出埠造人？

藝人陳豪昨日第四年參與「童跑同樂馬拉松」活動，問到為何不帶三個小朋友出席？他笑說：「帶埋佢哋就會做湊仔公，全程照顧佢哋。（老婆陳茵媺話平時同你爭湊仔？）呢個好自然啦！小朋友都黐我哋嘅。」正休息的他計劃與太太出埠二人世界，但否認是造人之旅：「應承咗每年都有一次，到時媽咪會嚟香港照顧小朋友，仔女都講道理，會早啲同佢哋講，等佢哋有心理準備。」而陳琪則帶同大女現身，笑指被對方嫌棄跑得慢。