阿叻王晶撞正「幸運麟」中500萬三T
樂壇校長譚詠麟（阿倫）、陳百祥（阿叻）與黃杏秀，昨日到沙田馬場為好友王晶的愛駒「與龍共舞」打氣，結果出戰第七場三班千八，再一次後上一網打盡，以7.4倍獨贏跑出，贏到50萬元頭馬獎金。好事接踵而來，三人又中三T，昨日三T每注十蚊派彩會有533萬，但馬會最終公布只得4元中，最多只可分到200多萬元獎金。他們表示是夾份投注中得三T，其實他們已非首次中這個超級高難度的大彩池，阿倫事後受訪表示：「我撞到阿叻，嗰時跑完第一關（口架）嘞。對吓對吓，我第二關啲心水冷馬都有份喎，佢哋話一定要預埋我嗰份，因為我係『幸運麟』。其實佢哋好運，自己又好彩可以Join埋佢哋一齊，咪中咗囉，開心事呀！」
王子涵李施嬅等「萬歲」
阿叻亦說：「阿倫先係最好運氣，我哋過咗兩關，佢先夾埋買！（沾你哋運而贏？）我哋托佢鴻福就真！其實我哋今次中三T再贏頭馬，都係因為之前做好多善事，所以運氣好！」而王晶則表現冷靜：「冇乜特別啫，我向來都好冷靜，不過都要讚個練馬師練得好。（夾阿倫贏錢？）係配合大家嘅運氣，正好代表香港人聚眾之力就能成功！」
王晶愛女王子涵對於他贏馬大表興奮，指他要請食飯。而有份參與他監製的無綫劇《荷里活有個大老千》的藝人李施嬅亦表示：「勁喎！好開心呀，係一個好兆頭，希望佢Keep住咁順利，包括個劇啦！（請食飯？）贏唔贏都請我哋食飯嘅，但贏咗錢就會食好啲，收視好就再食好啲！」
