陳靜玩波波畀人驗胸
藝人陳靜（DaDa）、谷祖琳、徐天佑及丁可欣等昨午出席賀歲片宣傳。DaDa與拍檔玩胸前傳球遊戲後，邵音音搞笑上前幫手「驗胸」：「佢冇受傷就得嘞！」DaDa打扮密實，解釋因腳傷及饞嘴關係，胖了5、6磅，不敢性感示人，笑言：「新年後先減啦，咁高興！（唔驚人話你有咗？）已經成日畀人話我姨甥女係我私生嘅，邊生得咁多？」
谷祖琳大爆4歲囡囡趣事：「有日佢爸爸出咗埠，我叫佢陪我瞓，佢唔肯，話驚爸爸呷醋，仲話：『如果你唔喺度，我同爸爸瞓你會點？」原來佢好公平，兩個都錫，我令佢左右做人難！」
