湊孖女頭痕！熊黛林聞追仔色變

名模熊黛林（Lynn）昨日在港出席二手衣物店開幕活動，透露一對孖女Kaylor與Lyvia四個月大已懂得叫爸爸媽媽，現時家姐不時講「打打打」：「其實唔知佢講乜！佢兩個喺屋企好嘈，下星期就九個月大，依家扶住啲嘢學行。」問到會否追對孖仔？她即驚訝說：「吓……唔好啦！（老公冇話想追仔？）大家傾偈時佢有提過想要仔，但唔係孖！湊孖女真係太辛苦，好似上星期佢兩個發燒同肚屙，我晚晚起身，但都瞓得唔安樂。」