洪永城乞人憎拍檔輪住摑
洪永城於無綫劇《大帥哥》又忠又奸，觀眾睇到咬牙切齒外，連拍檔楊秀惠、蔡思貝與徐榮等前晚出席飯敍時也忍不住輪流掌摑他！主角張衞健則表示要儲夠能量才能再戰新作。
張衞健（Dicky）、洪永城（Tony）、蔡思貝、楊秀惠與徐榮等前晚出席《大帥哥》結局飯局，於劇中變奸的「馬炭」Tony不諱言今次角色是從演以來最乞人憎，卻又是最受歡迎一次！席上，同劇演員忍不住儆惡懲奸，輪流掌摑他，非常惹笑！
由於角色太討厭，Tony表示曾被街坊以粗口笑罵，就連女友梁諾妍也被朋友訊息「轟炸」：「呢個角色畀網友話似卡通片角色，好多朋友要求女友代佢哋打我，真係好抵死！（係咪會找數畀同劇演員打？）係，任由三位姨太太折磨，最多都係懷恨在心啫！冇乜嘢嘅。」對於劇集收視不俗，他指第24集錄得31.8點高收視，網上點擊更超過6.4億，公司決定稍後舉行慶功。問到如何炮製「馬炭」，楊秀惠笑言已集齊5萬名網友撐掌摑Tony，還特別收集意見應如何折磨對方：「我有啲心痛，話晒佢靠個樣o架嘛！不過都係睇大帥哥點懲罰佢喇！」
張衞健腦袋要更新
「大帥哥」Dicky則表示若再拍新作品，需要醞釀能量：「體力都係其次，係腦袋要更新，就算更新完都唔一定有靈感喎！所以等我沉澱吓，睇睇有冇機會先！」更指角色壓力大，現時播完終可鬆一口氣，因已經把最好的自己奉獻給觀眾。
另外，Tony在社交網上載跟Dicky合照，還親自將一封毛筆信交給對方，多謝一路以來的帶領，內容感情真摯動人，還讚對方是心目中的最佳演員。他又自爆拍《張保仔》時是模仿Dicky，但自愧四成功力都沒有。