麥明詩搵媽咪開口 叫教練全程陪踩
藝人麥明詩及潘梓鋒昨晨到山頂，出席單車騎行慈善籌款啟動儀式，活動後即出發，途經中國、越南、老撾、泰國及柬埔寨五個國家，為期27日踩單車行程約2,500公里。
麥明詩特別請父母出席，因擔心自己「有咩冬瓜豆腐」：「應該係老撾最危險，媽咪話有山賊，而且嗰邊啲路唔熟，擔心會出意外。」她透露每日要踩100至130公里，踩足六至八小時，體能上相當辛苦：「其實冇乜信心，所以都帶定好多藥。（撞正生理期點算？）我冇特登去食藥避，叫媽咪幫我執番啲衞生用品，嗰幾日可能攰啲，會頂硬上，靠啲男隊友畀鼓勵！」其父母與緋聞男友、單車教練胡健燊同場，問是否順道見家長？她說：「教練只係踩香港一段，媽咪話想叫埋佢一齊去，睇吓佢點囉！」她又澄清兩人關係：「只係練車拍檔同恩師，好尊重佢。」