洪金寶唔敢教孫仔功夫
藝人周家蔚昨日請來老爺洪金寶，拍檔劉永健則邀父親劉家榮擔任節目嘉賓，當中洪金寶和劉家榮識於微時，相當老友。席間家蔚為今日生日的洪金寶賀壽，令他笑逐顏開。
問洪金寶可會再開戲？他說：「如果有機會都想同麥嘉、吳耀漢、家榮呀……（五福星？）五福星？老福星喇，想拍番套港產片。」又慨嘆香港電影不復當年，以前是亞洲龍頭，現在已很少武打片，也缺乏新一代武打明星。提到要數都有張晉？他說：「係打得，未必起到，真係唔知！以前畀到後生有個希望，學武練功有機會做武打明星，依家冇希望畀到人，後生會話練嚟做乜！Tony Jaa都因為睇我哋啲戲去苦練武功，唔係就仲喺度執大笨象屎。」
會否傳授功夫給孫仔？他笑言：「怕佢話以後唔見爺爺，上次叫佢瞓覺咋，就話我拍床拍蓆，唔見我喎，仲敢叫佢練功夫？」