陳曉東開騷搵栢芝撐場？
藝人陳曉東昨日在大角咀驚喜現身粉絲聚會，化身侍應捧出檸檬茶為生日的女歌迷賀壽，台上孖住對方吹生日蛋糕蠟燭，感謝粉絲多年來風雨同路。談到3月9日紅館開騷，他表示近日正積極跟教練操肌，問是否騷肌？他說：「我咁多情歌，唔係好啱喎！（嘉賓？）搵緊，依家廣發英雄帖，叫藝人朋友嚟捧場。（張栢芝好鍾意買演唱會飛喎！）呢個Idea唔錯，不過我哋好多年冇見。」他稱留港兩個月做準備，很掛念家人：「太太Check住我，晚晚定時視像通話，見到我喺房頭髮凌亂先放心。（屆時兩個囡囡會上台？）唔知，不過佢哋好有表演欲，上次澳門騷都唔怕人多。」
