樂基兒佗B仔影全家福
現年38歲的名模樂基兒（Gaile），結婚年多造人成功，現懷着5個半月身孕，熱愛瑜伽的她，連孕照也以此為題。身處加州安胎的她，早前請來瑜伽專業攝影師兼好友為其操刀拍攝，Gaile懷孕後仍保持運動習慣，長胎不長肉，只重了12磅。已明顯見肚的她身體仍很柔軟，能做出拗腰屈腳等多個不同動作。從事有機食品生意的老公Ian亦有參與拍攝，原來他也是瑜伽高手，與老婆雙劍合璧做出多個動作難度高。
唔敢大動作
赤膊上陣的Ian露出雙手及背後的紋身，身形甚Fit，其中一張相，他以欄杆支撐身體，而Gaile則蹲在地下深情望着老公；另一張兩人各自向後拗腰，合拍到爆。Gaile說：「Ian本來就係超級低調，所以影相做瑜伽時都好怕醜，好在今次操刀嘅係我嘅好朋友。（你做到拗腰動作？）我只係做啲拉筋，好Relaxing嘅動作，並非所諗太大動作。」又說這是她第一輯孕照，待肚子再大一點或會再拍第二輯。
留港分娩
Gaile宣布今胎佗仔，囝囝的名字亦已想好，但暫未肯透露。她表示每年都會返洛杉磯和三藩市，因家人都住在加州，有回家的感覺：「好開心家人喺度，天氣又好好，可以行吓、吸吓新鮮空氣，我哋會留喺度直至2月返香港。（留港生B？）同老公傾過，決定喺香港生，老公啲家人都喺香港。（選擇自然分娩？）盡量自然分娩，不過都會抱開放態度，總之BB安全最緊要，預產期在4至5月，好期望見到佢。」
