沈卓盈突然離巢趕嫁富男友？

沈卓盈

入行16年的沈卓盈昨日於社交網寫下長文，多謝一眾曾提拔她的人，包括杜之克、樂易玲、曾勵珍及余詠珊等，驟眼看以為是在台慶頒獎禮上所講的致謝詞，最後卻寫上已經約滿無綫，還表示能否TVB再見要看緣分！

學獨立乜都試

突然宣布離巢，記者即致電沈卓盈了解，問為何會離開無綫？她說：「其實係想嘗試唔同嘅工作，都想學吓去獨立，嚟緊乜都想去試、去學吓，希望喺事業都有多方面發展，當畀自己一個新嘅機會、新嘅嘗試。咁都會Keep住努力工作，希望新一年，所有都有好開始。」

沈卓盈與從事內衣生意的男友Calvin感情穩定，不時被拍到恩愛行街，還經常逛家品店，一直恨結婚的她突然轉變工作環境，問到是否要結婚？她即顯得避忌，拒談婚事及男友：「其實只係想畀自己一個新嘗試，畢竟同公司合作咗十幾年，一直都喺公司保護之下成長，自己都好想離開呢個舒適區，闖吓、睇吓出面嘅世界。」

早前晒相話有男友下廚，唔通真係去嫁人？	沈卓盈向外闖，希望仲有時間派吓福利啦！	沈卓盈在無綫參演多個劇集，包括《特技人》。