黃宗澤讓路苗僑偉唔敢爬頭

劉心悠克服陰影，唔使水泡都游到水。

藝人黃宗澤、苗僑偉（三哥）、徐子珊、劉心悠、張秀文及黃庭鋒昨日到尖沙咀宣傳邵氏網劇《守護神之保險調查》，登上美食車為粉絲炮製菠蘿包及紅豆冰，最近受腳傷的Bosco負傷亮相，表示將會拆石膏。

自誇歌藝唔錯

提到古天樂早前獲男歌手獎，網友即起哄說下一個應輪到Bosco，回味他當年演唱的《最後祝福》及《K歌之王》，他說：「古生話佢真係好鍾意唱歌但唔識唱，真係好正，做到座右銘。」之後他急拉苗僑偉落水，笑言新一年要跟對方合唱：「平時都有同三哥合唱，但佢就唱快歌多。（大家話樂壇欠你一個交代呀！）我會捧三哥做新一年樂壇新人，之後先至畀交代我啦！唔好爬頭。」苗僑偉笑言當年想過加入樂壇，亦曾跟謝天華合唱劇集主題曲，自誇歌藝不俗。

唔使用水泡

心悠透露去年完成練芭蕾舞的願望，2019年一開始就達成新目標，就是學識游水：「本身對水有恐懼，尋日終於克服陰影，上咗第六堂就唔使用水泡，可以用蛙式游到50米！以後可以接游水戲喇！（着三點式？）沙灘Look？咁古裝都要落水嘅，可以拍浸豬籠戲！（下個目標唔係搵男友？）唔想住。（入行十幾年冇拍拖？）有約會嘅，但冇公開，未搵到平衡點，我一工作就好認真，咩都唔理。」

黃宗澤餵苗僑偉食菠蘿包，有好嘢實預埋對方。

苗僑偉、黃宗澤、徐子珊及劉心悠與粉絲分享美食。