黃心美撻着薛芷倫大仔等做百億新抱

ViuTV前「鎮台之寶」、現年36歲的黃心美於聖誕前離巢，回復自由身的她，事業雖然未算失意，但原來愛情就非常得意！一直對外表示有個神秘男友的心美，之前一直只上載一些看不到男友樣子的合照，如此低調，明顯想保護戀情，不過「紙始終包唔住火」，最近男友身份終於曝光！原來對方是大生銀行家族後人馬清偉和名媛薛芷倫所生的26歲大仔馬桂烽（Justin），估計其家族資產約百億，絕對是筍盤！

低調撐男友創業

雖然二人相差十歲，但無礙發展，男方外形成熟穩重，女方又保養得宜，故「姊弟戀」行埋一樣合襯，並無代溝。去年11月，Justin首次創業搞共享移動電源，獲爸爸馬清偉、媽媽薛芷倫、弟弟馬桂鏘及妹妹馬桂珩撐場，其實當時已成為女友的心美，亦有到場力撐，低調支持男友！男友身份曝光後，心美在社交網發文，指自己努力工作，保持專業，其他事就「順其自然」。

心穎：對家姐好就得！

而馬桂烽媽咪薛芷倫則說：「我對呢件事唔會有回應。」至於與馬國明打得火熱的黃心穎，昨日以短訊回覆：「我冇聽過佢要結婚，但對方背景就唔知咁多，對家姐好就得！（做百億新抱？）呢個冇回應喇！人哋身家唔關我事，佢哋兩個開心就得喇！」