出道13年張彥博《堅持》自資出碟
歌手張彥博昨日帶同首張全創作的個人專輯《堅持》到電台宣傳，感觸指是出道13年的作品，更自爆共投資6位數字：「入面啲歌係自赤子（樂隊）解散後嘅創作，都儲咗7年以上，由於我冇唱片公司，所以出碟係一件好難嘅事，用6位數字係最平嘅出碟價錢，入面全部嘅歌都係自己彈、自己監、自己編，好多謝有好多朋友出手相助。」
問到今年目標是否想簽唱片公司？他表示要睇新公司安排：「啱啱簽咗邵氏，不過應該都係自己跑張成績表出嚟，未必似以前咁有資源，因為依家網上平台競爭好大，每個歌手要親力親為先有結果，但拎到入場券係好開心。」講到屬2019年的樂壇新人，他不禁笑說︰「都算！但唔介意有冇獎，只係想大家真正認識我係唱作人、音樂人。」