張紋嘉習慣獨居未諗結婚？

事隔兩年再推出新歌《獨立單位》的張紋嘉昨日到電台宣傳，新歌是其獨居寫照：「自己住咗9年，都幾鍾意自己住，仲有啲擔心唔想結婚，因為唔想同其他人同居。好多時覺得獨居係好堅強，但其實有好多艱辛嘢，係逼自己獨立，例如好怕面對蛇蟲鼠蟻，病咗冇人照顧都好唔開心，病加埋失戀仲大鑊！」又指每次搬屋都好「攞命」︰「至少搬咗4、5次。（搵男朋友幫手咪得？）次次搬都冇男朋友！」