阿嬌「悔婚」：早知過完年先結！
藝人鍾欣潼（阿嬌）昨晚出席服裝品牌活動，是婚後首個亮相的公開場合，提到新婚生活，她說：「暫時冇乜分別。（慣被叫賴太未？）你哋叫多啲，我咪習慣。」她透露老公因工作關係暫時離港：「都係分開幾日啫。（之前除夕倒數有陪你？）佢陪咗我去澳門做嘢，大家喺車入面倒數，最緊要係重要嘅人喺身邊。（造人計劃呢？）暫時未有。」
本月21日是其38歲生日，問老公會否送上驚喜？她說：「佢暫時未講喎，我就想同啲兄弟姊妹食飯過。（唔二人世界？）大班人開心啲。」
問為何沒戴婚戒出席活動？她則解釋：「我呢幾日水腫，手指好痛，所以冇戴。（唔驚老公詐型？）我驚唔見（戒指）多啲。（蜜月呢？）未諗到去邊，本來想去巴黎，但驚危險又凍。（過年返台灣？）香港、台灣兩邊走。（期待第一年派利是？）唔期待，早知過完年先結婚啦！」