2PM俊昊引李擒
韓團2PM成員俊昊前晚來港出席上水廣場夢幻倒數派對迎2019，司儀陸浩明教他用廣東話講「我錫晒你哋」，惹來觀眾尖叫連連！除了向粉絲「放電」外，他又與李佳芯及劉佩玥等互動擺貼身甫士，吳若希及劉穎鏇更爭取在台上合照，新鴻基地產代理有限公司租務部總經理鍾秀蓮亦專程捧場。俊昊表示首次來港倒數：「見到咁多粉絲真係好開心！（最想與香港哪位藝人合作？）任達華，之前我客串過一部電影，同佢見過面。」
出爐視后冇加價
席上，李佳芯大開金口獻唱兩首歌，榮升視后的她笑言冇加價：「我都好User Friendly嘅！價錢合理，依家唱歌又有進步，真係好抵用！」提到新年願望會否想做豬年新娘，她說：「生豬B就好啫，但我份人好傳統，結婚後再考慮生小朋友。明年要開兩個劇同綜藝節目，暫時冇咁嘅計劃！」但希望成功做業主：「心態上唔貪心，想找個安樂窩啫！（同男友陳炳銓夾份？）大家經濟獨立會比較好。」劉穎鏇則笑言願望並非有拖拍，而是有更多工作！
同場Shine的又南同樣以繼續搏殺為目標，隊友天佑則希望生豬B：「我生肖屬豬，嚟緊工作好忙，但都會努力。」
