余德丞聲沙倒數最緊要健康
藝人余德丞（Dickson）昨日與梁嘉琪、劉佩玥（Moon）出席「好運1月1」賽馬日，擔任「好運之星」的Dickson自認沒有橫財運：「如果投注，我會買8號，因為係我嘅幸運號碼，我件波衫都係8號。」新一年他的願望是身體健康：「之前去咗日本拍旅遊節目，病足兩星期，依家都未好得晒，尋（前）晚做倒數活動要唱歌，但我把聲好沙，要醫生開類固醇畀我。」
梁嘉琪就笑言目標是贏得8位數，又自認夠幸運：「需要錢嘅時候，咁啱買六合彩都會中。」問Moon可有穿紅色內衣褲「應戰」？她笑言沒有，但都會落注。兩人去年都入過醫院，新年願望同希望身體健康，Moon說：「跌親拗柴都有，呢幾日仲係咁咳，所以想身體健康。」