洪永城陪女友睇元旦日出
藝員洪永城最近被爆戀上「長腿冰女」梁諾妍，正值熱戀期二人打得火熱，首個除夕當然要特別慶祝，他帶女友出席「舊愛」黃翠如的派對外，更齊齊睇日出迎接2019年第一個晨曦！
無綫新劇《黃金有罪》演員張兆輝與洪永城（Tony）前日除夕於中環拍攝外景，劇情講到張兆輝被帶到廉署「飲咖啡」。Tony在除夕開工相當忙碌，一早拍攝被追債戲，不停奔跑，隨後又要親身上陣拍攝碌落山的場口，雖然墊了保護墊，但心口都撞傷了，他說：「我碌一碌已經傷咗，真係覺得武指好犀利，佢哋保護自己嘅能力好強，先可以做到冇咁易受傷。」
互相陪伴已好開心
除夕忙碌了一整天，Tony換來晚上可與女友一齊倒數迎接拍拖首個新年，講到有模特兒女友梁諾妍（Inez）呵番他撞傷的心口﹖他甜笑說：「除夕首先會去朋友屋企食飯，然後可能成班行開山嘅朋友去睇日出，2019年嘅第一個日出都幾有意義！」問到第一年拍拖同度除夕，是否特別花心思﹖他笑說：「又冇特別去諗，只係做啲大家鍾意嘅嘢，大家喺大家身邊已經好開心。」原來他帶女友出席好友陳敏之、「舊愛」黃翠如、蕭正楠的派對，昨晚更首次網晒大合照，Inez更攬着Tony，非常甜蜜！
至於張兆輝除夕則與姚子羚在錄影廠拍劇中倒數迎接新年，他說：「小朋友都已經有自己嘅節目，個仔約咗同學去倒數，太太就同個女，各有各精彩。自己就趕緊劇，大家都好辛苦，希望新年前完成，監製對我都好好，就住我，有畀時間休息，都仲頂得住。」