簡淑兒抱恙走音鄺潔楹降Key過關

簡淑兒（左）和鄺潔楹露香肩出席活動，各具美態。

簡淑兒、鄺潔楹、鄭秀文、劉浩龍、菊梓喬、譚嘉儀和丁子朗前晚出席「東港城CHEERS TO 2019倒數派對」活動，期間眾人輪流上台獻唱，又與現場數百名粉絲玩遊戲互動，及後聯同新鴻基地產代理有限公司租務部副總經理吳小偉先生等齊齊倒數迎接2019年，場面熱鬧！

只懂發呆傻笑

曾是女子組合「少女標本」成員的簡淑兒一臉病容，獻唱兩首歌時出現甩嘴兼走音情況，卻不懂執生，只懂站在台上發呆傻笑，事後她解釋：「因為我唔記得歌詞，第二首歌係前幾日先決定唱，未係記得好熟，加上腸胃炎同感冒，嚟到已經好緊張。（好似唔識執生喎！）因為朝早食咗藥，搞到好迷，淨係識行嚟行去。」

新鴻基地產代理有限公司租務部副總經理吳小偉（左起）、鄭秀文、劉浩龍和丁子朗齊齊倒數。	鄺潔楹降Key唱《我的驕傲》。	患上感冒的簡淑兒頂硬上獻唱。

緊張忘記互動

至於首次接除夕倒數活動的Judy表現不過不失，穿上斜膊連身短裙大騷長腿，笑指第二次在商場獻唱，相比上次，今次多了10倍人數，故心情緊張：「我揀咗唱《我的驕傲》，仲降咗三個Key唱，目標係唔走音，咁我覺得都叫做收貨。」更指表演時想與觀眾互動搞氣氛，沒料上台後卻緊張得完全忘記。