傅嘉莉（Kelly）有份演出無綫新劇《極道怪咖》，她以為與男主角王浩信首次合作，經對方提醒原來他倆曾在電視劇《愛我請留言》中合作，Kelly說：「今次佢喺套劇裏面有七星伴月，我係其中一個，仲暗戀佢添！佢仲話我知原來之前套劇，我一樣係暗戀佢！」今次她與賴慰玲、林宣妤合演三姐妹，其角色是個數口精的社團女強人，笑言現實中的自己數口很差：「角色反差咁大，已經搞笑，喺劇裏面我仲要做埋色情事業，要管馬伕、妓女啲生意額，諗起都覺得好笑。」
