蔚雨芯蜜運認多人追

歌手蔚雨芯（Rainky）、裕美、許志安昨日出席活動，Rainky被指與馬來西亞「超級富二代」鄭姓男友拍拖，問到是否快將做「千億新抱」？她笑說：「冇，大家係朋友，一班好朋友識咗好耐。（係咪拍拖？）好朋友囉，順其自然。（對方追你？）哎呀！順其自然啦，我唔知呀，都有好多朋友追，目前做嘢為先，2019年有好多目標，暫時戀愛、結婚放埋一邊。（話你富貴咗？）我都好努力去做嘢，都接咗好多工作，亦幫屋企打理小生意。」又說結婚定會公布。而她與公司的合約到明年，工作上有很多計劃，稍後會去馬國做騷。